Ongi etorri DBH 3ko Kultura Zientifikoa ikasgaia lantzeko proiektura. KOMIKI-EKIN proiektuak komikigintza tresna aktibo gisa erabiltzen du, ikasleak herritar aktibo, kritiko eta konprometitu bihur daitezen. Metodologia honen bidez,Garapen Jasangarriko Helburuen (GJH) arazo zientifiko eta etiko konplexuak modu bisual eta ulergarrian aztertuko dituzte, eta, aldi berean, pentsamendu kritikoa eta ardura soziala islatzen dituzten mezu propioen sortzaile gisa jardungo dute. Sei (6) komiki prestatu ditugu lantzeko, eta fitxa didaktiko hau esku artean badaukazu, gure metodologiako A FASEAN zaudelako da.

ikusi komikiak

TOKIKO EKINTZAK: GLOBALA ETA LOKALA UZTARTUZ

Askotan, arazo globalak ulertzeko urruneko ereduetara jotzen dugu, baina horiek ikasleei urruneko errealitateak iruditzen zaizkie eta frustrazioa sortu dezakete. Hori saihesteko, txikitatik aldaketarako ahalmena eta optimismoa lantzea garrantzitsua da, gazteek ingurunean eragina izan dezaketela ikas dezaten. Pauso txikiekin, etorkizuneko belaunaldiek arazoei aurre egiteko tresnak eta jarrera eskuratuko dituzte.

Hau da gure erronka, bat egingo duzu?

landuko ditugun Garapen Jasangarriko Helburuak (GJHk)

GJHak Nazio Batuen 2030 Agendaren barruan finkatutako 17 helburuak dira, mundu osoan bizi-baldintzak hobetzeko eta planetaren oreka ekologikoa bermatzeko asmoz sortuak. KOMIKI-EKIN proiektuan natura-zientziei lotutako helburuak landuko ditugu.

Erronka globalek konponbide sortzaile eta eskuragarriak eskatzen dituzte eta hezkuntzak funtsezko zeregina du herritar kontziente eta konprometituen prestakuntzan.

GJH 7 ENERGIA ESKURAGARRI EZ KUTSATZAILEA

GJH_12 EKOIZPEN ETA KONTSUMO ARDURATSUAK

zergaitik komikia?

Komikia, hezkuntza tresna eraldatzailea

KOMIKI-EKIN proiektuak ez du komikia kasualitatez aukeratu. Komikia tresna didaktiko eraginkor eta diziplinartekotzat jotzen dugu, bi arrazoi nagusirengatik:

1. ULERMENA: Kontzeptu zientifiko eta etiko konplexuak (GJH) modu bisual eta ulergarrian aurkezteko ahalmena du. Testua eta irudia uztartuz, ikaskuntza-estilo desberdinak errespetatzen ditu eta eduki abstraktuak argitzen ditu.

2. TREBETASUN KRITIKOAK: Dibulgazio-gaitasunak eta pentsamendu kritikoa indartzen ditu. Ikasleak behartzen ditu informazio zientifikoa modu koherentean egituratzera eta komiki-gidoi batean narratiboki zentzua ematera.

Laburbilduz, komikia tresna ezin hobea da Kultura Zientifikoa modu erakargarri, oso eta kritikoan lantzeko.

ikusi komikiak

Sormena eta pentsamendu kritikoa

Komikiak sormena eta adierazpen artistikoa bultzatzen ditu, baina, era berean, istorioen bidez gai konplexuak hausnartzeko eta modu kritikoan aztertzeko aukera ematen die ikasleei.

Komunikazio eta eragin soziala

Komikiak mezu garrantzitsuak modu bisual eta ulergarrian komunikatzeko baliabide indartsua dira. Gainera, aldarrikapenerako tresna izan daitezke, ikasleei euren ideiak zabaltzeko eta gizartean eragiteko aukera emanez.

Aktibismoa eta aldaketa

Komikiak ez dira soilik mezuak transmititzeko tresna; ikasleek, komikigintzaren bitartez, aldaketa planifikatzeko estrategia gisa erabil dezakete. Komikiak mundua aldatzeko bidean, ikasleak aktibista bihurtzeko tresna dira

Motibazioa eta interesa

Komikiak entretenigarriak dira, eta istorioen bidez ikasleen interesa pizten dute, haien arreta mantenduz eta ikaskuntza esperientzia atseginagoa bihurtuz.

GURE KOMIKIEN PROTAGONISTAK

Zientzia eta STEAM mundua eskolara ekartzen

Gure komikien protagonistak bertako ikertzaileak dira. Horrela, ikasleak zientzia eta STEAM arloetara hurbiltzen dira, ikerketa, teknologia, eta sormenaren garrantziaz jabetuz. KOMIKI-EKIN proiektuan, GJHei buruz hezteaz gain, dibulgazio zientifikoa eta STEAM hezkuntza sustatzea, eta zientziaren atzean dauden pertsonak eta politika globalak gidatzen dituzten ikerketak erakusteko.

GURE PROTAGONISTAK

gure metodologia

A FASEA: GJH komikiak aztertzea (3 saio)

Zer egingo da? Ikasleek gure webgunetiko komikiak aztertuko dituzte taldeka. Ondoren, talde bakoitzak bere GJHaren edukia eta azterketaren emaitzak klase osoari aurkeztuko dizkio, komunikazio gaitasunak eta eztabaida publikoa landuz.

B FASEA: bakoitzak bere komikia sortzea (5 saio)

Zer egingo da? Talde bakoitzak bere komiki zientifikoa eskuz sortuko du. Komikiak sortzeko Gida Didaktikoa erabiliz, GJH bat landuko dute, zorroztasun zientifikoa eta mezu etikoa bermatuz. Amaitzeko, talde-lanaren emaitzak klasean aurkeztuko dituzte, dibulgazio-trebetasunak landuz.

gure metodologia

IKASMATERIALEN PROPOSAMENA

1) GJH KOMIKIAK

Garapen Jasangarriko Helburuei (GJH) buruzko 6 komiki eskaintzen ditugu, benetako ikertzaileek protagonizatutako istorioetan oinarrituak. Komiki hauek ez dira soilik irakurtzeko materiala: ikasleek osatu, koloreztatu eta landu egingo dituzte, ikaskuntza aktiboa eta parte-hartzailea sustatuz.

Komiki bakoitzak irakaslearentzako fitxa didaktiko bat du, jarduera gidatzeko baliabideekin. Komikiak lantzean, ikasleek GJHen inguruko erronka zientifiko eta sozialak ulertzen dituzte, ebidentzia zientifikoa modu kritikoan aztertzen ikasten dute, eta informazioa interpretatu eta taldean komunikatzeko gaitasunak garatzen dituzte.

ikusi komikiak

2) KOMIKIAK SORTZEKO GIDA DIDAKTIKOA

Ikasleen beren komikiak sortzeko gida eta baliabideak eskaintzen ditugu, GJHak modu sortzaile eta kritikoan lantzeko.

Material hauek irakasleei eta ikasleei sorkuntza-prozesua gidatzen laguntzen diete, eta ikasleei ideiak garatzeko, istorioak eraikitzeko eta jasangarritasunarekin lotutako mezuak modu bisual eta erakargarrian komunikatzeko tresnak ematen dizkiete.

ikusi KOMIKIAK SORTZEKO GIDA

EBALUAZIO TRESNAK

Ebaluazio-tresna hauek eskuragarri jartzen dira, eta irakasle bakoitzak bere irizpide didaktikoen eta testuinguruaren arabera erabiliko eta egokituko ditu; beraz, ez da erabilera bakarra edo itxia zehazten.

EBALUAZIO TRESNAK